Ekain eta Malen Elizasu Manterola anai-arrebek txikitatik entzun dute musika etxean, gurasoek eta familiak kantagintzarako zaletasuna transmititu diete eta, orain, beren bidea egiten hasi dira. Lehen kontzertua “Oihartzun Guk”eko gazteek antolatuta eskaini zuten gaztetxean eta, orain, Xanistebanetan eskainiko dute hurrengo emanaldia. Gustuko dituzten taldeen bertsioak eskaintzen dituzte gitarraren laguntzaz. Eta, gaur, irratira etorri dira doinu eta ahots goxoz entzuleak liluratzera. Baita lortu ere! Etorkizun oparoa duzue eta segi horrela, bikote!

http://oiartzunirratia.org/attachments/article/2285/Elizasu%20anai-arrebak%202018-07-05.mp3

Gaurko Oiartzungo Udalaren tartean udarako ireki berri den Turismo bulegoaz hitz egin dugu Eider Calderon Oarsoaldeko Turismo zuzendariarekin.

http://oiartzunirratia.org/attachments/article/2284/Udalan%20tartia%20Turismo%20bulegoa%202018-07-04.mp3

Xabier Landa Etxeberria izan da gaurko ZANA ZALAKO saioko gonbidatua. Askok Haurtzaro Ikastolako atezain gisa ezagutzen dugu, baina aurretik milaka istorioetan ibilia da. Jakin nahi duzu? Ba ez galdu gaurko elkarrizketa!

http://oiartzunirratia.org/attachments/article/2282/ZANA%20ZALAKO%20Xabier%20Landa%20Etxeberria.mp3

Hilabete falta da herrian jaia lehertzeko eta, aurten, lehen suziria Arraguako Aldeguna elkarteak botako du. Mende erdia bete du aurten eta ibilbidearen berri eman eta jaiei hasiera emango dien txupina botatzeko ohoreari buruz hitz egiteko, gurera etorri dira Mikel eta Alaitz Bergaretxe Aldegunako bazkideak.

http://oiartzunirratia.org/attachments/article/2279/Aldegunak%20botako%20du%20txupina%202018-07-02.mp3

Altzibar San Pedro jaietan murgilduko da bihartik igandera eta, egitaraua errepasatzeko, gurean izan ditugu Saioa Ballesteros eta Aintzane Toledo auzotarrak. Jai ederrak antolatu dituzte eta ea eguraldia lagun izaten dugun!

http://oiartzunirratia.org/attachments/article/2277/Altzibarko%20festak%202018%20Saioa%20eta%20Aintzane%20.mp3

Gaurko Arguyuan saioko bigarren elkarrizketan ere Xanistebanei begira jarri gara. Abuztuaren 3an herritar askok zita izaten dugu auzoen arteko sokatira txapelketan eta, horretarako prestatzeko, datorren astelehenean hasiko dira emakumezkoen entrenamenduak. Herriko emakume guztiak animatu eta bizipenak kontatzeko, gurean izan ditugu Onintza Azpiroz eta Maider Iragorri tiralariak. 

http://oiartzunirratia.org/attachments/article/2269/Emakumezkoen%20sokatira%20txapelketa%202018-06-21.mp3

Xanistebanetarako geroz eta gutxiago geratzen den honetan, Jai Batzordeak egitarau zabala antolatu du dagoeneko. Atzo hirugarren bilera bat egin zuten eta bertan bi erabaki garrantzitsu hartu zituzten: jaiei hasiera emango dien suziria nork botako duen eta Xanistebanak iragarriko dituen kartela zein izango den. Josune Cousillas Kultura zinegotzia etorri zaigu primizia kontatzera. Jakin nahi baduzu, ez galdu elkarrizketa!   http://oiartzunirratia.org/attachments/article/2268/XANISTEBANAK%202018%20Josuna%20Cousillas%202018-06-21.mp3

Aurtengo ikasturtean aurrekoetan bezela, urte bukaerako jaia antolatuko da desplazamendu berdeak eta bizikletan eginikoak saritzeko. Elizalde Herri Eskolan burutuko da   goizeko 11;00etan eta sari mundialak ere banatuko dira. Jokin Agirre Oiartzungo Eskola Kiroleko arduradun eta koordinatzaileak desplazamenduen berri eman digu.

http://oiartzunirratia.org/attachments/article/2259/OARSOALDEKO%20MUGIKORTASUNA%20ESKOLA%20KIROLEAN%20Jokin%20Agirre%202018-06-14.mp3

Azaroaren 23tik abenduaren 3ra Euskaraldia ospatuko da Euskal Herri osoan, tartean Oiartzunen. Pasa den urte bukaeran egindako Konpromisotik aD/Ritzera kanpainaren antzekoa izango da, ahobizi eta belarriprest-ekin. Eta Oiartzungo Euskaraldia antolatzen joateko, lehenengo bilera egingo dute bihar. Horri begira jarri gara Oiartzungo Euskaraldiaren dinamizatzaile den Mirari Martiarenarekin.

http://oiartzunirratia.org/attachments/article/2258/Euskaraldia-Mirari%20Martiarena%202018-06-14.mp3